سابق نفسك اولا وورينا شطارتك

[size="6"]بسم الله الرحمن الرحيم

السلام عليكم ورحمه الله تعالى وبركاته

انا النهارده جايب لكم مسابقه من نوع تانى مختلفه شويه

وهى بدل ما تسابق حد تانى لا انت هتسابق نفسك

وفيها فايده كبيره منها تستخدمها كمسابقه فى الاول

وبعد كده انت هتاخد عليها

مش هطول فى الكلام بعض من المسلمين بيبقى نفسهم يصلو كل الصلوات

ويقضو جميع الفروض وكمان يقروا كلام الله اللى هو القران

انا جبت لكم فكره كنت بعملها زمان كل اللى عليك:

تجيب ورقه وترسم فيها جدول زى جدول الحصص بالظبط بس تحط فيها الايام وعدد الصلوات واسماءهم وطبعا هما خمس صلوات كفروض خلينا فى الفروض الاول

وكل صلاه هتصليها هتعمل فى خانتها علامه صح وفى اخر الاسبوع هتلاقى النتيجه زى اعمال السنه اللى بتاخدها فى المدرسه كده هتعرف انت صليت اد ايه وفاتك كام فرض عشان تعوض الاسبوع اللى بعده

بس انا عارف انكم عندكم عزيمه ومش هتفوتو فرض من اول اسبوع وهتملو كل الخانات بعلامه صح

اما عن القران فده بعد كل صلاه اقرا صفحه واحده مش اكتر صدقنى مش هتعطلك بالعكس دى هتنور قلبك ده كلام اللى خلقك

وصدقونى كلها اسبوعين تلاته بالكتير مش هتكون محتاج للجدول ده لان خلاص جسمك وعقلك اتظبط على ان اول ما الاذان ياذن هتقوم تتوضا وتصلى

اتمنى انكم تجربوها ومستنى اى حد تكون الفكره دى جابت نتيجه معاه

وفقكم الله جميعا[/size]

بجــــــــــــــــــد فكرة جميلة
تسلم ايديك يا هشام
ننتظـــــــــــــــــ(الجديد)ــــــــــــــر

نورتى يا غاليه وعطرتى الصفحه

» كيف تثق فى نفسك لتحقيق ذاتك امامك وامام الاخرين لاعجاب نفسك اولا
» كيف تنمى نفسك وتكون ايجابيا