)))) :::: شفت العجايب يازمن وياك وانا ماشى :::: ((((
شفت العجايب يازمن وياك وانا ماشى *** لافتحت بقى فى يوم ولا قلت غير ماشى
وسكـــــت صمت الجبل صامد مبرخاشى *** لحد يــــوم الثـــوره وفـــــاكرها منساش
كانت عنين الغلابه على البيه متعلاشى *** وكســـرنا صمت الصبر وصرخنا راح ماشى
ده الظلم كان للركب على الناس مخلاشى *** حاولوا يقيدو الفتن السهــم مرمـاشى
صوت الباطل هزيل على الحق ماعلاشى *** مصر البلد الوحيـده لفصيـــــــل متبقاشى
والى تغره الامانى يبقى لتاريخ الغزاة لبلادى مقراشى*** ليبرالى كان علمانى كان اخوانى او فاشى
دستور بـــــلادى الحق والعدل فيه ماشى *** من غير منحكم عقولنا نبقى بعير ماشى
فكــــــــرت العن ترابك بقى مقالهاشى وهربت منك رحتــــــلك غيرك مبرضاشـــــى.
(شفت العجايب يازمن وياك وانا ماشى)
( شاعر العاميه / سمير صفوت )
موضوع: شفت العجايب يا زمن ........ 
الخميس مايو 16, 2013 7:02 pm